ZER DA IKUSIKER?

Gazteen artean ikus-entzunezko kontsumoa aztertzeko gai ezberdinak lantzen dituen ikerketa da.

UNERA ARTE LANDUTAKO GAIAK:

2021-2022 PANELA: TIKTOK

2021-2022 ikasturteko azken galdetegia gaur egun oso zabalduta dagoen sare sozial bati buruzko erabilera aztertzeko egin da, TikToki buruz alegia. Azken aztergai honi buruz galdetzean erabilera eta sormena izan dira galdegaiak: zenbat eta nola erabiltzen duten, ze hizkuntzatan, gustuko dituzten profilak, sortzaile modura zer eta nola sortzen duten besteak beste.

2021-2022 PANELA: INFORMAZIOA ETA UKRAINA

2021-2022 ikasturte honetako zazpigarren galdetegian, Twitterri buruz galdetzeaz gain, panelkideak aktualitatearen inguruan nola informatzen diren jakin nahi izan da. Informazioa eskuratzeko dituzten ohituretan zeintzuk iturri eta baliabide erabiltzen dituzten eta nola erabiltzen dituzten ezagutu da. Horretaz gain, Ukrainako gerraren inguruan informatzeko dituzten joerak ere azaltzen dira txostenean.

2021-2022 PANELA: TWITTER

Bilduma honetan mundu mailan oso erabilia den sare sozial bati buruzko datuak dakartzagu, Twitterri buruzkoak hain zuzen. Panelkideek Twitter erabiltzeko dituzten ohitura eta joerei buruzko datuak bildu dira: kontu mota, erabiltzeko maiztasuna,  kontsumitzeko zein sortzeko gai eta hizkuntza nagusiak, eta sare sozialaren baliabideak erabiltzeko modua besteak beste.

2021-2022 PANELA: STREAMING PLATAFORMAK

Txosten honetan gaur egun hain zabalduak eta erabiliak diren video on demand deritzen ordainpeko zein doaneko streaming plataformen erabilerari eta kontsumoari buruzko informazioa jaso da. Ikusikerreko panelkideek zeintzuk plataforma erabiltzen dituzten eta horietan zer ikusten duten eta nola ikusten duten erakusten da: lekua, plataforma, hizkuntza, azpidatziak…

2021-2022 PANELA: TWITCH

Datu sorta honetan, gaur egun gazteen artean indarra hartzen doan sare sozial bat izan da aztergai: Twitch. Txosten honek panelkideek sare sozial honetan zer, nola eta noiz kontsumitzen duten eta sortzaileen artean gustuko dituzten streamerrak aurkezten da, bai eta erabiltzaileen artean dauden sortzaileek zer eta nola sortzen duten ere.

2021-2022 PANELA: MUSIKA, IRRATIA ETA PODCASTAK

2022ko urtarrilean, unibertsitateko ikasleei entzuten dituzten edukiei buruz galdetu zaie, eta txosten honetan batzen dira lortutako emaitzak. Ikasleek musika, irratia eta podcastak entzuteko dituzten joera, ohitura eta gustuak bistaratzen dira: zer, non eta nola entzuten dute? Irratiaren tartean Gaztea irratiaren inguruko datuak ere batu dira.

2021-2022 PANELA: YOUTUBE

Txosten honek 2021-2022 ikasturte honetako hirugarren inkestan jaso diren datuak aurkezten ditu. Kasu honetan, Youtube sare sozial edo plataforman zentratu gara eta honen erabileran oinarritutako galderak zuzendu zaizkie panelkideei galdetegian: erabiltzeko maiztasuna, ikusten dituzten edukiak, dituen baliabideak erabiltzeko ohiturak eta plataformarekiko duten pertzepzioa.

2021-2022 PANELA: INSTAGRAM

Txosten honetan aurkezten dira 2021-2022 ikasturtean egindako bigarren inkestan jasotako emaitzak. Panelkideei erabiltzen dituzten sare sozialei buruzko datuez gain, Instagrami buruzko gaiak landu dira nagusiki inkesta honetan: sare sozial honetan egiten duten erabilera aplikazioak berak dituen aukeren artean, erabiltzeko motibazioak eta erabilerarekiko pertzeptzioak.

2021-2022 PANELA: IKUS-ENTZUNEZKO KONTSUMOA

Txosten hau 2021-2022 ikasturte berri honetako panela osatzen duten 1.690 ikasleek emandako informazioaren datu-sorta da. Galdetegia iraila eta urria bitarte burutu zen, etxean eskuragarri dituzten aparailuei eta ikusi dituzten azken edukiei buruzko informazioa jasoz.

IKUSIKER PANELA 2020-2021

Txosten honetan 2020-2021 ikasturtean zehar Ikusiker proiektua osatzen duten bi paneletan (Bigarren Hezkuntzakoa bata, unibertsitateetakoa bestea) gazteek egiten duten IKTen erabilera eta ikus-entzunezkoen kontsumoa aztertzeko burutu diren ikerketaren informazioa laburbiltzen da, bi adin tarteetan ematen diren antzekotasun eta desberdintasunak nabarmenduz.

ERREFERENTEAK

2021eko ekaina

Ikusiker Panela osatzen duten UPV/EHUko eta UPNA-ko ikasleei beren erreferente edo ereduei buruz galdetu diegu, gertukotzat dituzten figurak, berekin identifikatuta sentitzen direnak edo besterik gabe gustuko dituztenak kontuan hartuta. Sei eremutan egin dira galdera horiek: musika, fikziozko ikus-entzunezkoak, kultura, politika eta mugimendu sozialak, kirola eta sare sozialak. Txosten honetan datu horiek jasotzen dira.

SORTZAILEAK

2021eko maiatza

Ikusiker Panela osatzen duten UPV/EHUko eta UPNAko ikasleei  galdetzen jarraituz, oraingo honetan sare sozialak edukiak ikusteaz gain, elkarbanatzen eta sortzen dituzten edukiei buruz jakin nahi izan dugu, hauen sortzaile izaera ezagutzeko asmoz. Kasu honetan zehazki Twitchen sortzen dizutenei edukiei buruz galdetu diegu, txosten honetan datu horiek jasotzen dira.

2021eko maiatza

Ikusiker Panela osatzen duten UPV/EHUko eta UPNAko ikasleei  galdetzen jarraituz, oraingo honetan sare sozialak edukiak ikusteaz gain, elkarbanatzen eta sortzen dituzten edukiei buruz jakin nahi izan dugu, hauen sortzaile izaera ezagutzeko asmoz. Kasu honetan zehazki Youtuben sortzen dizutenei edukiei buruz galdetu diegu, txosten honetan datu horiek jasotzen dira.

2021eko maiatza

Ikusiker Panela osatzen duten UPV/EHUko eta UPNAko ikasleei  galdetzen jarraituz, oraingo honetan sare sozialak edukiak ikusteaz gain, elkarbanatzen eta sortzen dituzten edukiei buruz jakin nahi izan dugu, hauen sortzaile izaera ezagutzeko asmoz. Kasu honetan zehazki TikToken sortzen dizutenei edukiei buruz galdetu diegu, txosten honetan datu horiek jasotzen dira.

2021eko maiatza

Ikusiker Panela osatzen duten UPV/EHUko eta UPNAko ikasleei  galdetzen jarraituz, oraingo honetan sare sozialak edukiak ikusteaz gain, elkarbanatzen eta sortzen dituzten edukiei buruz jakin nahi izan dugu, hauen sortzaile izaera ezagutzeko asmoz. Kasu honetan zehazki Instagramen sortzen dizutenei edukiei buruz galdetu diegu, txosten honetan datu horiek jasotzen dira.

2021eko maiatza

Ikusiker Panela osatzen duten UPV/EHUko eta UPNAko ikasleei  galdetzen jarraituz, oraingo honetan sare sozialak edukiak ikusteaz gain, elkarbanatzen eta sortzen dituzten edukiei buruz jakin nahi izan dugu, hauen sortzaile izaera ezagutzeko asmoz. Kasu honetan zehazki Twitterren sortzen dizutenei edukiei buruz galdetu diegu, txosten honetan datu horiek jasotzen dira.

COVID-19AREN ERAGINA 2021EAN

UPV/EHUko eta UPNAko ikasleei egindako galdetegi berri honetan, hainbat gairen inguruan galdetu da. Ikusitako azken edukiari buruz, Youtuberi buruz eta Twitchi buruz galdetzeaz gain, Covid-19aren inguruko galderak egin dira, honek 2021ean izan duen eragina ezagutu eta 2020an eskuratutako datuekin alderatu ahal izateko. Txosten labur honetan azken honen inguruko datuak erakusten dira.

SARE SOZIALAK: TWITCH

UPV/EHUko eta UPNAko ikasleei martxoan egindako galdetegi berri honetan, hainbat gairen inguruan galdetu da. Ikusitako azken edukiari buruz, Youtuberi buruz eta Covid-ak 2021ean izan duen eraginari buruz galdetzeaz gain, Twitchi buruz ere jakin nahi izan da. Txosten labur honetan azken honi buruzko datuak erakusten dira.

SARE SOZIALAK: YOUTUBE

2021eko martxoa

UPV/EHUko eta UPNAko ikasleei martxoan egindako egindako galdetegi honetan, hainbat gairen inguruan galdetu da. Twitchi buruz eta Covid-19ak 2021ean izan duen eraginari buruz galdetzeaz gain, ikusitako azken ikus-entzunezko edukiari buruz eta, batez ere, Youtuberi buruz galdetu zaie. Txosten labur honetan Youtuberen eta azken edukiaren inguruko datuak erakusten dira.

SERIEEN KONTSUMOA

2021eko otsaila

Hilabete honetan Ikusiker panela osatzen duten UPV/EHUko eta UPNAko ikasleei ikusi duten  azken ikus-entzunezkoari buruz galdetzeaz gain, serieak ikusteko dituzten ohiturei, pertzepzioei eta iritziei buruz ere galdetu zaie. Txosten honetan inkestan batutako datu eta emaitzak jasotzen dira.

SARE SOZIALAK ETA INSTAGRAM

Urte hasiera honetan, ikusitako azken ikus-entzunezko edukiaz gain, sare sozialei eta, batez ere, Instagram-i buruz galdetu zaie UPV/EHUko eta UPNAko ikasleei. Plataforma honi ematen dioten erabileraren eta kontsumoaren inguruko datuak jaso dira: gustuko edukiak, kontsumo denbora, norbere erabileraren pertzepzioa eta iritzia.

IKUSITAKO EDUKIAK ETA HIZKUNTZA

Ikusiker Panela osatzen duten UPV/EHUko eta UPNAko ikasleei galdetu diegu azkena ikusi duten albistegiari buruz. Era berean, ikus-entzunezkoak estuki lotuta daude hizkuntzarekin, eta konbinazio anitzak gertatu daitezke kontsumitzen diren ikus-entzunezkoen hizkuntza-hautuen atzean. Eremu horri buruzko ezagutza areagotu nahi izan dugu inkesta honekin.

Ikusiker Panela osatzen duten UPV/EHUko eta UPNAko ikasleei galdetu diegu azkena ikusi dituzten entretenimenduzko ikus-entzunezkoei buruz. Era berean, ikus-entzunezkoak estuki lotuta daude hizkuntzarekin, eta konbinazio anitzak gertatu daitezke kontsumitzen diren ikus-entzunezkoen hizkuntza-hautuen atzean. Eremu horri buruzko ezagutza areagotu nahi izan dugu inkesta honekin.

Ikusiker Panela osatzen duten UPV/EHUko eta UPNAko ikasleei galdetu diegu azkena ikusi dituzten fikziozko edukiei buruz. Era berean, ikus-entzunezkoak estuki lotuta daude hizkuntzarekin, eta konbinazio anitzak gertatu daitezke kontsumitzen diren ikus-entzunezkoen hizkuntza-hautuen atzean. Eremu horri buruzko ezagutza areagotu nahi izan dugu inkesta honekin.

MUSIKA ENTZUTEKO OHITURAK, IRRATIAREN ERABILERA ETA GAZTEA

Unibertsitateko ikasleen artean musikak  leku garrantzitsua dauka, eta ez bakarrik askorengana heltzen delako baizik eta hoietariko askok denbora-tarte aipagarria dedikatzen diotelako. Musika beraren eta musikan espezializatua den Gaztea irratiaren gaineko galdera-sorta luzatu diegu Ikusiker Panela osatzen duten UPV/EHUko ikasleei.

SARE SOZIALEN ERABILERA

Sare sozialen erabilera unibertsala da gazteen artean. Zeregin eta funtzio guztietarako erabiltzen dituzte, entretenitzeko, harremanetarako eta baita informazioa jasotzeko ere. Txostenean jasotzen diren datuen bidez, sare sozialen erabilerari buruzko zehaztasunak ezagutu nahi izan dira. Kategoria orokor horren baitan biltzen diren euskarri eta plataformek, ez baitute eragin, erabilera edota arrakasta berbera gazteengan.

COVID-19

Azken asteotan bizi dugun salbuespenezko egoera dela eta, unibertsitateko ikasleen ohiko ikaskuntza astindu eta etxean geratzeko beharra izan dute Covid-19 koronabirusak eragindako testuinguruan. Gaitzaren hedapena eteteko asmoz, inoiz baino ordu gehiago etxean igarotzen dituzten honetan, Informazio eta Komunikazio Teknologien-IKTen eta ikus-entzunezko edukien kontsumoak nolakoak dituzten azaltzen da begien aurrean daukazun txostenean.

TELEBISTA ETA BESTELAKO PLATAFORMEN KONTSUMOA

2020ko urtarrila

7.IKUS-ENTZUNEZKO GOMENDAGARRIAK GAIKA ETA EUSKARRIKA

Ikerketaren helburua gazteen ikus-entzunezko kontsumo joera aztertzea da. Oraingo honetan, ikus-entzunezkoetan identifikatzen dituzten eduki gomendagarrien inguruan, eta ikusteko hobesten dituzten telebista kanal edo bestelako euskarrien inguruan galdetu zaie ikasleei. 

Fikzio, entretenimendu eta informazio generoetan aholkatuko lituzketen telebista kanalak edo plataformak zeintzuk diren adierazi dituzte. Fikzio generoaren kasuan esaterako, plataforma gomendatuena Netflix da eta TB kateen artean FDF.

2019ko abendua

6. ASTEBETEKO IKUS-ENTZUNEZKO KONTSUMOA

Ikerketa honen xedea ikasleen artean nagusitzen den ikus-entzunezko kontsumo joera aztertzea da. Hau horrela izanik, EHUko ikasle talde batzuei, astebetez egindako ikus-entzunezko kontsumoaren inguruan galdetu zaie. Emaitzetan, telebista tradizionalaren eta plataformen erabileraren datu interesgarriak ageri dira.

Astelehen eta igandean gainerako egunetan baino TB tradizional gehiago ikusi da. Plataformei dagokionez kontsumoa nahiko erregularra da aste osoan zehar.

2019ko azaroa

5.IKUS-ENTZUNEZKO KONTSUMOA

5. txostenean gazteen artean nagusitzen den ikus-entzunezko kontsumoari buruzko datuak biltzen dira. Inkestatu diren gazteen ezaugarri soziodemografikoak zeintzuk diren plazaratzeaz gain, haiek azkenengoz ikusitako programari buruzko hainbat galderen erantzunak daude bertan. Programa ikusten hasitako ordua, erabilitako lekua, hautatutako TB katea edo euskarria eta hizkuntza dira datuetako batzuk. Ikus-entzunezkoetan aurkitzen den publizitateari buruz ere itaundu zaie besteak beste.

IKASLEEK DUTEN EKIPAMENDU TEKNOLOGIKOA

2019ko ekaina

4.IKASLEEK DUTEN EKIPAMENDU TEKNOLOGIKOA

Gazteek ikus-entzunezko kontsumoa zein ekipamenduren bidez egiten duten jakiteko, dituzten euskarriez galdetu diegu. Inkestatuen erdiak baino gehiagok behaldeko irudian ageri diren ia euskarri guztiak dituzte. Mugikorra eta ordenagailu eramangarria dira garrantzitsuen emaitzen arabera.

HAUTESKUNDEEN JARRAIPENA GAZTEEN ARTEAN

2019ko maiatza

3.HAUTESKUNDEEN JARRAIPENA GAZTEEN ARTEAN

Aurten bi bozka egun egon dira. Apirilaren 28an hauteskunde orokorrak ospatu ziren eta maiatzaren 26an berriz udal, autonomia erkidego eta europar hauteskundeak. Gazteek politika eta gaurkotasunari buruzko interesa duten jakin nahi izan dugu. Horretarako, bi egun hauetan (A28 eta M26) egin duten informazio jarraipenean (hauteskundeen emaitzak) eta horretarako hautatu dituzten ikus-entzunezko produktuetan oinarritu gara.

IKUS-ENTZUNEZKO KONTSUMOA INTERNETEN ETA SARE SOZIALETAN

2019ko apirila

2.INTERNET ETA SARE SOZIALEN KONTSUMOA

Internet eta sare sozialetan egindako kontsumoaz galdetzean, 298 produktu desberdin adierazi dituzte panel-kideek. Aurreko txostenean, telebista kontsumoaren kasuan, 133 aipatu ziren. Hala, emaitzek erakusten dute ikus-entzunezko aukeraketa zabalagoa dela Internet eta sare sozialetan. Horrez gain, sarea eskaintza handia duen lekua denez, inkestan aipatutako produktuen gehiengoa (%72,04a) behin baino ez da izendatu

Produktu hauek ikusteko aukeratutako lekua, euskarria eta hautatutako hizkuntza zeintzuk diren adierazten du txostenak.

IKUS-ENTZUNEZKO KONTSUMOA TELEBISTAN

2019ko martxoa

1.IKUS-ENTZUNEZKO KONTSUMOA TELEBISTAN

Ikusikerren helburua ikasleen artean nagusitzen den ikus-entzunezko kontsumo joera aztertzea da. Horregatik, azken aldiz telebistan ikusi duten programari buruz galdetu diegu ikasleei. 

Guztira 133  produktu desberdin adierazi dituzte, generoka sailkatu ditugunak.  Hauetatik 70 behin baino ez dituzte aipatu. Ikus-entzunezkoak kontsumitzeko erabilitako lekuak, telebista kateak eta hizkuntzak zeintzuk direnaren datuak biltzen ditu dokumentuak.